hybu'r iaith yn lleol

Mae Stwnsh yn chwilio am blant rhwng 8 ac 15 i gymryd rhan mewn dwy gyfres newydd cyffrous… ond bydd angen i’r teulu gyfan ymuno yn yr hwyl hefyd!

JAC RUSSELL - Cyfres yn dilyn hanes ci bach direudus wrth iddo ymweld â gwahanol deuluoedd o gwmpas Cymru. Yn ystod pob rhaglen bydd Jac yn dod i adnabod y teulu a dysgu ychydig am yr ardal leol. Dyna’r darn boring! Yna mae ‘na sgetsis a chwis a dŵr a dwli a selebs a chwerthin a bod yn wirion a chwrs antur Crufts-aidd! Am ragor o wybodaeth neu i gynnig eich hun cysylltwch â Catrin Brooks ar 02920 550 883 neu ar catrin.brooks@boomerang.co.uk.

Poen! - Cyfres newydd i blant sydd yn ymwneud â iechyd a ffitrwydd mewn ffordd hwylys iawn! Yn ystod pob rhaglen mi fyddwn yn gosod her ffitrwydd i’r teulu, gosod sialensau digri a chynnig tips ar sut i fwyta a byw yn iach! Am ragor o wybodaeth neu i gynnig eich hun cysylltwch âg Elin Jones ar 02920 550 871 neu ar elin.jones@boomerang.co.uk.

Mewn cydweithrediad a’r Urdd a Cherdd Cymunedol Cymru, mae Menter Iaith Abertawe wedi rhoi cyfle’r wythnos hon i bedwar band ifanc i ffurfio ac ymarfer eu sgiliau cerddorol a recordio’r cyfan ar gryno ddisg! Fe luniodd y bandiau enwau, bathodynnau a chrysau-T i hyrwyddo eu grwpiau roc newydd.

Un o’r bandiau oedd yn rhan o’r freuddwyd Roc a Rôl oedd Y Brodyr Coll. Fe gafodd y bois gyfle i recordio eu can “Dawnsio yn y Disgo” o fewn un diwrnod cyn mynd lawr yr M4 i Gaerdydd gyda chopi i chwarae ar C2 Radio Cymru! Roedd band arall o Abertawe, Yr Angen yno hefyd i ddangos yr awenau a chyd gyflwyno wrth gael eu ffilmio ar gyfer newyddion S4C!

Cynllun Y BRAWD MAWR fydd y digwyddiad nesaf gyda’r Fenter
Gwyliwch y gofod!