hybu'r iaith yn lleol

Mae grŵp o bobl ifanc brwdfrydig o Abertawe wedi bod yn gweithio gyda’u cyfoedion yng Ngogledd Cymru, Gweriniaeth a Gogledd Iwerddon ar gynllun cyfnewid rhyng-ddiwylliannol. Bydd y bobl ifanc yn archwilio tebygrwydd a gwahaniaethau o safbwynt hunaniaeth mewn meysydd fel diwylliant, iaith, crefydd a’r syniad o berthyn o fewn y gymuned Geltaidd.

Fel rhan o Gynllun Cyfnewid Ieuenctid y 4 Cornel, mae’n fwriad i drefnu cyfres o ymweliadau rhwng grwpiau o bobl ifanc o Abertawe, Conwy - Gogledd Cymru, Dinas Corc - Gweriniaeth Iwerddon a Swydd Down yng Ngogledd Iwerddon.

Mae grŵp o 10 o bobl ifanc o Abertawe sydd rhwng 14-21 oed yn ymwneud a’r bartneriaeth ar ôl trefniadau rhwng Gwasanaeth Ieuenctid Cyngor Dinas a Sir Abertawe a Menter Iaith Abertawe; byddant yn ymweld a Belffast ar Orffennaf y 4ydd ar ran gyntaf y daith gyfnewid.

Mae gwaith caled codi arian ar gyfer Eisteddfod yr Urdd Abertawe 2011 yn parhau!

Bydd y faner hon, a grëwyd gan y plant a ddaeth i fore celf Menter Iaith Abertawe dros hanner tymor, yn mynd i gopa'r Wyddfa gyda Carys Mol yn yr haf eleni. Diolch i'r plant a helpodd i greu'r faner, ac i'r holl bobl a dalodd 50c i'w harwyddo!

Pob lwc Carys!

Mae Profiad Brawd Mawr Gwasanaeth Ieuenctid Abertawe yn her 3 diwrnod, 2 noson.

Byddwch yn byw mewn tŷ gyda 23 o bobl eraill gan orfod cwblhau heriau er mwyn goroesi.

Mae'r Profiad Cymraeg o ddydd Llun, 23 Awst i ddydd Mercher 25 Awst.

O’r nosweithiau comedi a gwerin i fore o fwynhau Delyth a’r Delyn at y noson roc yn y Vault, do, fe daranodd Tyrfe Bach eleni i ddathlu Gwŷl Ddewi. Dyma flas i chi o’r hyn ddigwyddodd...

...fe gafodd pawb eu goglais gan noson gomedi’r wŷl a lwyddodd i roi dechrau cofiadwy i’r dathliadau yng nghwmni Noel James, Richard Bowen a Neil Rosser (24/03/10)...

...cafwyd bore hamddenol yn Nhy Tawe yng nghwmni Delyth Jenkins a’i thelyn (25/03/10)...

...noson Roc a Rils gyda’r Alltud, Dan Morris a’i gyfeillion, Ric-a-Dor a sesiwn werin oedd canolbwynt y dathlu nos Wener 26/03/10...

...a nos Sadwrn fe aeth Tyrfe Bach i’r Vault a chyflwyno bandiau fel The Unknown, Yr Angen, Mr Huw, Y Niwl a Yucatan i dorf fywiog Wind Street. Does dim dwywaith bod yr Wŷl wedi bod yn llwyddiant mawr, a mae trefniadau ar fin dechrau i drefnu Tyrfe Tawe arall yn yr Hydref.